REGISTRES DU BUREAU

[i5oo]

messire Jehan d'Esculant : a esté conclud que on cessera l'ouvraige commencé pour la seconde pille du pont, pour ce que impossible seroit faire les vui-danges du lieu où doit estre faicte lad. seconde pille, à cause de l'affluence des eaues qui sont seurvenues; et que on asseurera les bastardeaulx estans à l'entour dud. lieu tellement qu'ilz ne soient démolis ou rompuz par les eaues ou glaces de l'iver prouchain, durant lequel on fera dilligence de faire amener de la pierre et de faire amener des moulins à thirer les

eaues et autres engins que on congnoistra estre nec-cessaireset utilles pour l'ediffîce dud. pont; et oultre que on mandera les proprietaires des maisons qu'il convient abatre pour faire la masse dud. pont du costé de l'eglise Saint Denis de la Chartre, ausquelz on fera commandement de vuyder leursd, maisons dedans le jour de Noel prochain venant ou autre plus prouchain terme, lequel terme escheu on fera desmolir et abatre lesd, maisons et faire la vuidange pour faire lad. masse.

XCVIII. — Signiffication de la demolicion dessusdicte.

7 novembre 15oo. (Fol. 6o r°.)

Le sept"¹⁰ jour dud. mois sont comparus ou Bureau de l'Ostel de la Ville : Robert Le Tellier, Claude Choart, Nicolas L'Ainsné, et Thibault Daniel serviteur de la veffve de feu Jehan Malleville et stippullant pour icelle veffve ⁽¹>, ausquelz a esté signifié que incontinant après le jour de Noel prochainement venant on commencera à faire les demolicions et vui-

danges pour ediffier la masse du pont Nostre Dame du costé S' Denis de la Chartre, affin que dedans led. jour de Noel ilz se pourvoient de maisons, se bon leur semble, et qu'ilz vuydent leurs biens des maisons à eulx appartenans qu'il convient abatre pour faire lad. masse.

XCIX. — Devis de l'emhoucheure de la carriere Nostre Dame des Champs

À VI SOUS TOURNOIS LA TOISE.

27 novembre i5oo. (Fol. 60 v°.)

Le vingt sept"¹⁰ jour dud. mois de Novembre, Huguet Du Floc, carrier, demourant à Paris, a fait marché aux Prevost des Marchans et Eschevins de lad. Ville de faire bien et deuement et dilligenment la nouvelle emboucheure de la carriere Nostre Dame des Champs, au dessus et près du moulin à vent'²', selon le devis dont la teneur s'ensuit :

«Cest le devis de ce qu'il fault faire pour faire l'emboucheure de la carriere Nostre Dame des Champs au dessus et près du moulin à vent.

«Premierement, fault que lad. emboucheure contienne cent toises de long sur quinze piez de large en fons, et par hault en l'un des boutz au bout de lad. emboucheure de quinze toises de large et de telle profondeur qu'il sera de neccessité pour entrer en lad. carriere, en talluant depuis led. fons tout à l'entour d'icelle emboucheure en maniere que les terres ne puissent cheoir ne recombler lad. emboucheure, en revenant à droicte ligne à l'entrée de l'autre bout d'icelle emboucheure sur lad. largeur de quinze piez de large.

⁽¹⁾ Pour ces noms, voyez ci-dessus art. XXII, en date des 3o et I

(2) Voy. art. XXXV et XCI ci-dessus.

"Item, et en ce faisant fault que, de la pierre qui sera traicte en Iad. emboucheure, en faisant les lalu lz par bas d'icelle emboucheure, maçonner d'icelle pierres tant boutisses comme autrement, tant au pourtour dud. talut au bout d'embas jusques à telle haulteur qui sera de neccessité et que les terres le requierent, pour garder les terres d'esbouller dedans le fons de lad. emboucheure; et en maçonnant led. talut fault faire une re traicte de deux piez de large ou environ de maçonnerye des plus grans pierres, tant d'un costé que d'autre, en maniere de chemyn pour les chartiers qui yront de pié tant d'un costé que d'autre hors le chemin du charroy, sur laquelle re traicte ce maçonnera la douve au dessus, ainsi que dessus est dit.

"Item, seront tenuz les ouvriers qui feront lad. besongné de mener les menues pierres en bonnes terres dedans les fossés des chemyns dud. moulin à vent qui sont creux à cause des vuidanges des eaux, et les remplir d'icelles pierres et bonne terre à telle haulteur que le pavé soit espaulle tant d'un costé que d'autre, au dessus et à l'endroit dud. moulin à

janvier 15oo.